Carpio, Ruiz, Ken Velasco Agpapada Nga Nailayon; Salazar, Baro a Direktor

User Rating: / 1
PoorBest 


TALLO kadagiti agdama nga Direktor ti agpapada nga nailayon iti naangay nga panagpipili kadagiti kameng ti Hunta Directiba itay laeng kallabes nga bulan ti Oktobre, 2012. Dagitoy ket da Direktor Hermila Carpio ti Distrito VI (Paoay/ Currimao) ken Direktor Leonardo “Addo” Velasco ti Distrito II (Bacarra/ Pasuquin), agpada nga awan ti nakabalubal na.

Nagtalinaed nga sibabayog ti bandera ni Direktor Enrico Pacifico “Cocoy” Ruiz ti Distrito X (Dingras) babaen ti panangabak na ken ni Mrs. Elsie Romero iti botos nga 3, 686 kontra ken Romero nga nakagun-od met iti botos nga 2, 608.

Iti sabali nga bangir, layus met ti botos ni dati nga ABC Chairman Edwin Salazar iti Distrito IX ( P i d d i g / S o l s o n a / Carasi). Nakagun-od ni Salazar iti 3, 988 nga botos idinto nga ti agdama nga Direktor Benigno “Ninoy” Aquino ket 1, 379 met nga botos.

Agpapada nga agsapata dagiti nangabak nga kandidato intono Disiembre 8, 2012 iti okasion ti “Annual General Membership Assembly” nga maangay to iti INEC Auditorium, iti mismo nga INEC Main Office, Suyo, Dingras, Ilocos Norte.

Naaramid ti eleksion kadagiti sumaganad nga petsa: Distrito IX - Oktobre 6, Distrito VI - Oktobre 13, Distrito X - Oktobre 20, ken naudi ti Distrito II - Oktobre 27. Nagbalin met nga naurnos ken natalinaay ti pannakaisayangkat ti nadakamat nga panagpipili. *